عبداللہ رضیع بن حسین ؑ

زیارت ناحیہ میں عبد اللہ رضیع پر سلام وارد ہے لیکن اس میں اختلاف ہے کہ آیاعبداللہ رضیع وہی شہزادہ علی اصغر ؑ ہے؟ یا وہ الگ الگ ہیں؟ ذخیرۃ الدارین سے منقول ہے کہ یہ عبداللہ رضیع اِسی دن یعنی روز عاشور پیدا ہوا اورامام حسین ؑ نے اس کا نام عبداللہ رکھا اس کی والدہ کا نام امّ اسحاق بنت طلحہ بن تیمیہ تھا جوامام پاک کے ہمراہ تھیں، جب بچہ پیداہواتو اُسے امام کی خدمت میں لایا گیا امام ؑ نے اسے گود میں لیا اوراپنی زبان مبارک بچہ کے منہ میں دی اور اپنے لعاب دہن سے بچہ کا منہ کھولا اسی اثنا میں عبداللہ بن عقبہ غنوی یا ہانی بن ثبیت حضرمی نے تیر مارا اور بچہ کو باپ کے دامن میں شہید کردیا، امام ؑ نے بچہ کا خون آسمان کی طرف پھینکا کہ ایک قطرہ بھی واپس نہ آیا امام محمد باقرؑسے مروی ہے کہ اگر ایک قطرہ خون بھی واپس زمین پرنازل ہوتاتوعذاب خدانازل ہوجاتا۔