۷ فروری ۱۹۸۱ء _____ (امیر قاسم ؑ )
جھنڑیا پتر حسن ؑ دا گھوڑے توں ملی خیمے ونج اطلاعے
اُٹھی تلیاں ٹیک تے چوب کوں نپ کے درداں ماری مائے
کہیں بیوہ ما کوں موت پتر دی دِکھلا نہ ذات خدائے
کئی واری جھنڑ پئی در خیمے تے زہراؑ دی نو نہہ بیوائے
۱۲ جنوری ۱۹۸۱ء _____ (امیر قاسم ؑ )
سنڑی ہکل یتیم دی در خیمہ تے زہراؑ دے بدر منیرے
پس روندا نیر وہیندا ٹریا کلثوم زینبؑ دا ویرے
کتھ نازک گل کتھ سم گھوڑاں دے بس روندی رہی تقدیرے
بہوں اوکھیاں لاش سمالی کیتی رج رُنیا پیر شبیرے
آسرا بیوہ امڑی دا نہ چَڑیا شاخ جوانی
اجاں تیرہویں سال اِچ قدم آیا تھی ختم گئی زندگانی
ربّ جانٹرے کیوی نہیں چم سگی منہ پتر دا ما نمانی
کیویں ڈیکھ کے گل دیاں ترٹیاں کلیاں یارو سہہ گئی زہراؑ ثانی
سن کے حکم امام دا یارو رَج رُنیا حسنؑ دا جانی
تیڈے بخت اقبال کو رج مانڑے تیڈی پھوپھی زہرا ؑ ثانی
ایں ظلم دے ویڑھ کوں موڑ نہیں سگدی میں کمسن دی قربانی
پر حیدری خون نہیں باہنڑ ڈیندا کرو میں تے مہربانی
جڈاں اذن جہاد منگنڑ کیتے ٹر آیا حسن ؑ دا جایا
شاہ پتر کوں چم کے گل لایا ول رو رو کے فرمایا
میڈے زہر دے سبک توں موئے ویرنڑ دی زندگی دا سرمایہ
توں بیوہ مادی ٹیک ہیں بچڑا کر حوصلہ اللہ وسایا