اے ماتم عین عبادت ہے ساڈی رُت ماتم دے آگئی اے
دھی زہراؑ د ی ہے رُل رُل کے ساڈے کل آرام مکاگئی اے
دنیا آکھے بدعت ہے اساں ماتم شاہ دا چھوڑنا نہیں
اے بنت علی ؑ دی سنت ہے اساں روونڑ توں منہ موڑنا نہیں
جیڑھی سفراں دے وچ رُل رُل کے اسلام دی لج رکھوا گئی اے
قیدنڑ ہوکے سین سکینہؑ سفراں دے وچ رُل گئی اے
مٹیاں تے بہوں سم سم کے ہن پیو دا سینہ بھل گئی اے
میڈے پیر دی دھی معصومہ کوں زنداں دی گرمی کھا گئی اے
معصومہ کوں دربار دے وچ اے جھڑکاں نال رویندن کیوں
بہوں دیر تائیں نہیںکھڑ سگدی اے ظالم ظلم کریندن کیوں
نو میل مسلسل ٹر ٹرکے ہن تھک پئی ہے گھبرا گئی اے
شیعہ بے شک روندے ہن سن سن کے ظلم سیدانیاں دا
شام گھولی وچ ملیا نہیں سجاد کوں کفن سکینہ دا
تائیں قبر دے وچ وی کفن دی جھا تے میلا چولا پاگئی اے
...........................
چم ہتھ ملوٹے بھینڑ دے سید بیٹھا بند رسن دے کھولے
ہتھ رکھ معصومہ دے منہ تے عابد بیٹھا آکھے ہولے ہولے
نہ پیو کوں شام دا حال ڈیویں رکھیں ویر غریب دے اولے
پیا میلا چولے نال دفن کرینداں نئیں کفن غریب دے کولے