سیف بن حارث

سیف بن حارث اور مالک بن عبداللہ دونوں چچازاد تھے اور مادری بھائی بھی تھے۔۔ روتے ہوئے امام ؑ کی خدمت میں پہنچے، آپ ؑ نے فرمایا اے میرے برادر زادے روتے کیوں ہو؟ مجھے اُمید ہے ایک گھنٹہ کے بعد تمہاری آنکھیں روشن ہوں گی، عرض کرنے لگے ہماری دعا ہے کہ خدا ہم کو آپ ؑ کا فدیہ قرار دے۔۔ خدا کی قسم ہم اپنی جان کی خاطر نہیں رو رہے بلکہ روتے اس لئے ہیں کہ آپ ؑ نرغۂ اعدأ میں گھِر چکے ہیں اور آپ ؑ کو بچا نہیں سکتے، آپ ؑ نے ان کے حق میں دعا فرمائی، پس دونوں اذن لے کر میدان میں گئے اور جہاد کر کے شہید ہو گئے۔