سوید بن عمرو

زیارتِ رجبیہ میں اس پر سلام وارد ہے۔۔۔ یہ بزرگ سن رسیدہ اور نہایت عبادت گزار تھا، متعدد جنگوں میں حاضر ہو کر کافی تجربہ رکھتا تھا، اپنے دور میں شجاعت کے لحاظ سے بے نظیر تھا، روز عاشور جب بشر بن عمرو حضرمی کی شہادت ہو چکی تو یہ میدان کی طرف بڑھا اور آخر کار زخمی ہو کر گر گیا، لوگوں نے اس کو مقتول سمجھ کر چھوڑ دیا تھا جب امام حسین ؑ کے قتل کی آوازیں بلند ہوئیں تو اس نے ہوش سنبھالا لیکن دشمن چونکہ اس کی تلوار لے چکے تھے اس کے پاس ایک چھُری موجود تھی جس کو چھپائے ہوئے تھا پس وہ چھُری ہاتھ میں لے کر مشغول جنگ ہوا۔۔ بہت سے لوگ اس پر ٹوٹ پڑے بالآخر عروہ بن بکار تغلبی اور زید بن ورقأ جہنی نے اس کو شہید کیا۔