ضرغامہ ابن مالک

جس طرح ضرغام کا معنی شیر ہے اسی طرح بنابر نقل مورّخین کے یہ شخص اسم بامسمّیٰ تھا، پیشہ شجاعت کا شیر صف شکن، شہسوار اور مشاہیر شیعان کوفہ میں سے تھا، حضرت مسلم کی بیعت میں داخل ہوا جب لوگوں نے غداری کی تو یہ شخص عمر بن سعد کی فوج میں شامل ہو کر کربلا پہنچا اور اس بہانے سے خدمت امام ؑ میں باریابی کا شرف حاصل کیا، بقول ابن شہر آشوب حملہ اولیٰ میں شہید ہوا اور بقول ابومخنف اس نے مردانہ وار حملہ کیا اور فداکارانہ جہاد کیا یہاں تک کہ ساٹھ نامی شہسواروں کو واصل جہنم کرکے درجہ شہادت پر فائز ہوا۔