علت مادیت
مجھے مؐحمد وآل مؐحؐد علیہ السلام کاکائنات کےلئے علت مادیہ قرار دینا بھی پسند نہیں ہے اس میں شک نہیں کہ خداوندکریم نے معلولات کو اپنی علل کا اور مسببات کو اپنے اسباب کا مرہون منت قرار دیا ہے لیکن اول مخلوق ہونے کی بناپر باقی تمام مخلوق کےلئے انکو اصل واحد قرار دینا اور تمام نیک وبد طاہر وجنس اورعلوی وسفلی مخلوق کےلئے ان کو مادہ قرار دینا جن میں ان کی اپنی ذوات طاہرہ بھی داخل ہیں اور اُن کےدشمن بھی داخل ہیں اور اُن کےدشمن بھی شامل ہیں کوئی اچھی تعبیر نہیں ہے اگر چہ بعض احادیث میں صراحت سے موجود ہے کہ ہمارے ہی نور سے عرش وکرسی زمین وآسمان اور شمس وقمر وغیرہ کی تخلیق ہوئی ہے اور علت مادیہ قرار دینے والے اس کی توجیہ بیان کرتے ہیں کہ جس طرح اللہ خیر کا خالق ہے اور شر اس کاعکس ہے جس طرح حیات کاخالق ہے اور موت اس کا عکس ہے یعنی وہ ملکہ کا خالق ہے اور عدم اس کا عکس ہے جس طرح جسم مخلوق ہے اور سایہ اس کا عکس ہے جو اس کولازم ہوتاہے پس طاہرونیک ونوری مخلوق اس کے عکس سے پیدا ہوئی بہر صورت اس قسم کے مسائل کو عوام الناس کے ذہن سے کوئی مناسبت نہیں ہے