شوہر کی اطاعت

وسائل میں ہے حضرت امام جعفر صادق علیہ السلام نے فرمایا ایک دفعہ حضرت پیغمبر کے زمانہ میں ایک انصاری صحابی روانہ سفر ہوا تو اس نے اپنی بیوی کو حکم دیا کہ میری واپسی تک گھر سے باہر قدم نہ رکھے چنانچہ اس کے چلے جانے کے بعد اس عورت کا باپ ہو گیا تو اس عورت نے حضرت نبی کریمؐ کی بارگاہ میں کسی کو بھیجا تا کہ اس کے لئے اپنے والد کی عیادت کی اجازت حاصل کی جائے حضورؐ نے جواب میں ارشاد فرمایا کہ میں اجازت نہیں دیتا اور اس عورت سے کہو کہ گھر میں بیٹھی رہو اور شوہر کی اطاعت کو ترک نہ کرو چنانچہ اس کا باپ سخت بیمار ہو گیا تو عورت نے دوبارہ آدمی بھیجا لیکن حضورؐ نے پھر بھی وہی جواب دیا کہ گھر سے نہ نکلے اور شوہر کی فرمانبرداری کو نہ چھوڑے آخر کار  اس کا باپ مر گیا پھر اس نے پیغمبرؐ کی خدمت میں کسی کو روانہ کیا اور صورت حال کی اطلاع دی لیکن حضورؐ نے پھر بھی اس کو اپنے گھر کی حدود سے باہر جانے کی اجازت نہ دی اور فرمایا تم پر واجب ہے گھر میں بیٹھو اور شوہر کی اطاعت کو برقرار رکھو پس جب اس کا باپ دفن ہو گیا تو جناب رسالتمابؐ نے اس کی طرف پیغام بھیجا کہ تیری شوہر کی فرمانبرداری کے صلہ میں خداوند کریمؐ نے تیرے باپ کے تمام گناہ بخش دیئے ہیں ایک مرتبہ حضرت پیغمبرؐ نے اپنے وعظ میں فرمایا اے گروہ نساء ! تم اپنے مخصوص مال زیور وغیرہ سے صدقہ دیا کرو اگرچہ معمولی ہی کیوں نہ ہو؟ کیونکہ تمہاری اکثریت دوزخ کا ایندھن ہو گی تمہاری عادت ہے لعن طعن زیادہ کرتی ہو اور شوہر کی اچھی صحبت کی قدر نہیں کرتی ہو بلکہ اس کا انکار کر دیتی ہو تو ایک عورت نے عرض کی یا رسولؐ اللہ! ہم مائیں ہیں ہم حمل اٹھانے والی ہیں، ہم دودھ پلانے والی ہیں ، کیا ہم میں سے شریف بیٹیاں نہیں ؟ کیا ہم میں سے شریف بہنیں نہیں ؟ آپ نے فرمایا اس میں کوئی شک نہیں کہ تم حمل کا بوجھ اٹھانے والی بھی ہو ، مائیں بھی ہو اور دوھ پلانے والی رحم کرنے والی بھی ہو لیکن اگر تم اپنے شوہر کو اذیت دینے والی عادت نہ ہوتی تو تم میں نماز پڑھنے والی کوئی بھی عورت دوزخ میں نہ جاتی دوسری روایت میں آپ نے فرمایا تم میں سے سب اچھائیوں کے باوجود جو بڑا عیب ہے وہ یہ کہ تم اپنے شوہروں کے حقوق کا کوئی لحاظ نہیں کرتیں اور ایک تیسری روایت میں ہے آپ نے فرمایا (تمہاری خوبیاں اور معاشرہ میں تمہاری خدمات نہایت قابل قدر ہیں ) کاش کہ تم اپنے شوہروں کے لئے باعث اذیت اور ان کی ذہنی کوفت کی باعث نہ بنتیں تو تم اس قابل تھیں کہ تمہیں کہا جاتا بغیر حساب و کتاب کے جنت میں چلی جاؤ۔