عورت ماں کے روپ میں

بحارالانوار میں ظلل الشرائع سے منقول ہے حضرت امام جعفر صادق علیہ السلام نے فرمایا ایک مرتبہ ایک بادیہ نشین عورت حضرت پیغمبرؐ کی بارگاہ میں حاضر ہوئی اس کے ساتھ دو بچے تھے ایک کو گود میں اٹھائے ہوئے تھی اور دوسرا ساتھ چل رہا تھا آپ نے اس عورت کو روٹی دی چنانچہ اس نے روئی کو دو حصوں میں توڑ کر دونوں بچوں میں تقسیم کر دیا حضورؐ نے فرمایا رحمدلی سے بچوں کو اٹھانے والی مائیں اگر ان میں لہو و لعب زیادہ نہ ہو تو پڑھنے والی عورتیں ضرور جنت میں داخل ہوں گی یعنی بچوں کی تربیت کے ساتھ ساتھ اگر نماز کی پابند بھی ہوں تو جنت میں جائیں گی۔
امالی طوسی سے منقول ہے جناب ام سلمہ نے جناب رسول کریمؐ سے دریافت کیا کہ شوہر کی اطاعت میں عورت کا ثواب کیا ہے؟ تو آپ نے جواب دیا اے ام سلمہ شوہر کے گھر میں ایک چیز ایک جگہ سے دوسری جگہ تک اصلاح کے لئے رکھے تو اللہ اس نظر رحمت کرے گا اور جس پر اللہ کی نظر رحمت ہو اس پر عذاب نہ ہوگا ام سلمہ نے عرض کی کچھ اور بھی فرمائیے تو آپ نے فرمایا جب عورت کو حمل ہو جائے تو یہ اللہ کے راستہ میں مرد کے جان و مان سے جہاد کرنے کے برابر ہے اور جب بچہ جنے کو خدا اس کے تمام گناہ معاف کر دیتا ہے پھر اس کو آئندہ کے اعمال میں احتیاط کرنی چاہیے  اور جب بچے کو دوھ پلائے تو اولاد اسمٰعیل میں سے ایک غلام کرانے کا ثواب صرف ایک دفعہ کے دودھ پلانے کا اس کو عطا ہو گا۔