پہلے میت کی تمام ناپاکی وغیرہ کو دور کیا جائے اور
ہاتھ پر کپڑا لپیٹ کر آگا پیچھا دھوائیں اس کے بعد پہلا غسل اس پانی سے دیں جس میں
بیری کے پتے ڈال کر اور مل کر جھاگ دار کیا ہوا ہو دونوں نہلانے والے اس طرح نیت
کریں کہ غسل دیتے ہیں ہم اس میت کو آبد سدر سے واجب قربۃً اللہ پھر تین بار فوراً
ہی میت کے سر کو دھوئیں پھر میت کو بائیں
کروٹ پر لٹا کر دائیں پہلو پر تین دفعہ اس طرح پانی ڈالیں کہ شانے سے پاؤں تک
مسلسل پڑتا رہے اور نہلانے والا میت کے پیٹ پر ہاتھ پھیرتا جائے تا کہ پانی سب جگہ
پہنچ جائے اور ہاتھ کو میت کے پہلو سے علیحدہ کرتے رہیں کہ پانی نیچے تک جا سکے
پھر میت کو دائیں کروٹ پر لٹا کر اسی طرح بائیں کروٹ پر پانی ڈال کر سب جگہ
پنچائیں پھر میت کو چت لٹا کر نہلانے والا اپنے ہاتھوں کو کہنیوں تک خالص پانی سے
دھوئے اس کے بعد میت کو دوسرا غسل آب کافور سے واجب دیا جائے اور اب پھر نیت کریں
کہ غسل دیتے ہیں ہم اس میت کو آب کافور سے واجب قربۃ الی اللہ اور اس کو بطریق
سابق بجا لائے پھر غسل دینے والا خالص پانی سے اپنے دونوں ہاتھوں کو کہنیوں تک
دھوئے اور تیسرا غسل دے بعد نیت کے غسل دیتے ہیں ہم اس میت کو آب خالص سے واجب
قربۃ اللہ اور اس کو بطریق سابق بجا لائے اس تیسری دفعہ نہلانے کے بعدمیت کے بدن
کو کپڑے سے خشک کریں اور کفن پہنچائیں۔
1. تنبیہ: میت کے کپڑے آہستہ اتاریں اگر میت
کے کپڑے تنگ ہوں تو وارث کی اجازت سے چاک کر کے اتاروا لیں۔
2. نہلانے والے کو چاہیے کہ میت کو قبلہ رو
کھڑا ہو کر نہلائے جس وقت مر دے کو غسل دیا جائے اس کو کھڑا کرنا یا بٹھانا نہ
چاہیے بلکہ لیٹا ہی رہنے دیں۔
3. نہلاتے وقت اگر میت کے بال یا ناخن وغیرہ
یا کوئی اور عضو علٰیحدہ علٰیحدہ ہو جائے تو ان کو کفن میں رکھ دیں۔
4. اگر کسی جگہ بیری کے پتہ یا کافور وغیرہ
نہ مل سکے تو تینوں غسل خالص پانی سے دیئے جائیں۔
5. میت کو گرم پانی سے غسل دینا مکروہ ہے
اگر سردی شدید ہو اور نہلانے والے کو تکلیف ہوتو اس قدر گرم کر یں کہ صرف ٹھٹھر
نکل جائے۔
6. عورت کو غسل دیتے وقت اس کے سر کے بال
کھول دئیے جائیں اور بعد غسل بھی کھلے رہنے دیں۔
7. مرد کی میت کو مرد اور عورت کی میت کو
عورت کا غسل دینا واجب ہے ۔
8. ہر غسل کے لئے لنگی اور وہ کپڑا جو
ہاتھوں میں لپیٹا تھا علٰیحدہ ہونا چاہیے۔