حرم کی زمین

 زمینوں  میں سے وہ خظے  جن کااحترام خصوصیت سے واجب  ہے  اس کو حرم یاحرام کہاجاتاہے جیسے مسجدالحرام  بیت الحڑام یعنی  حرمت والی مسجد حرمت والا گھر  جس طرح زمانی لحاظ  سے  مہینوں مین سے چار مہینے  حرام  ہیں  یعنی حرمت والے  ہیں رجب ذوالقعدہ ذوالحجہ اور محرم کہ عرب لوگوں میں ان مہینوں  کی حرمت  تھی  حضرت  ابراہیمؑ  نے دعا مانگی تھی اے اللہ تو اس کو بلد امن قرار دے  چنانچہ خداوندکریم نے  اسکو حرم بنادیا  حضوؑر  سرور  کائنات سے مروی ہے آپ نے فرمایا میرے جد ابراہیمؑ  نے  مکہ کو حرم بنایا اور ہم نے مدینہ کو حرم بنا دیا پس مکہ کی زمین  حضرت ابراہیمؑ  کی دعا سے حرم  بن گئی اور مدینہ  حضوؑر  کی وجہ سے حرم بن  گیا حرم مکہ کے خصوصیات یہ ہیں

1       اگر کوئی مجرم جرم کرکے بھاگ کر حم کی حدود میں آجائے  تو س کو سزا نہیں دی جائے گی  جب تک حرم سے نکل نہ جائے

2       حاجی  پر شکار ممنوع  ہے اگر وہ حرم میں کرے گا تو کفارہ دگناہوگا

3       مکہ کی زمین میں تمام مسلمانوں  کو رہنے کاحق  حاصل ہے لہذا وہاں کی زمین  ملکیت کسی کی متصور نہیں  ہوگی جو مسلمان رہنا چاہے گا اسے اس کا حق حاصل  ہے

4         کعبہ  کی عمارت سے کسی مسلمان  کو بلند مکان بنانے کا حق حاصل نہیں ہے

5       حدود حرم کے  متعلق معمولی سے معمولی  چیز بھی اگر کسی کی کوئی ٹھائے  گا تو وہ لقطہ  نہیں  ہوگا بلکہ امانت ہوگی

6       تفسیر صافی میں ہے حرم میں مدفون ہونے والا قیامت کی گھبراہٹ سے محفوظ رہے گا بشرط ایمان

7       حرم خدا  یا حرم رسول میں مرنے  والاقیامت  میں بھی با امن ہوگا(بشرط ایمان  کے ساتھ مرا ہوں )

8        جو شخص ایمان کےساتھ ان دوحرموں کے درمیان مرجائے تو حساب نہوگا یعنی وہ جنتی ہوگا

عربوں کا دستور  تھاکہ اگر  وہ اپنے باپ کے قاتل کو بھی حرم بیت اللہ  میں دیکھ لیتے  تو اس سے کعبہ  کے احترام کی خاطر وہاں انتقام نہ لیتے تھے  حجرت امام مظلوم سید الشہداء علیہ السلام  نے مدینہ  کو حرم رسولؐ  کی وجہ سے چھوڑا تھا اور کعبہ سے حج کے احرام  توڑ کر کوچ کیا تھاتاکہ میری وجہ سے حرمکی توہین  نہ ہو اور اسی وجہ سے  حضرت علی علیہ السلام نے مدینہ کو چھوڑ کر کوفہ  کوجائے سکونت بنایا تھا تاکہ میری وجہ سے لوگ حرم رسولؐ کی توہین نہ کرسکیں  کیونکہ جنگ کرنا حرم کی توہین کے مترادف تھا اور اس حرمت کی وجہ سے مدینہ کی مسجد نبوی میں ایک نماز دس ہزار نمازوں کو ثواب رکھتی ہے اور مسجد الحرام کعبہ میں ایک نماز ایک لاکھ نماز کاثواب رکھتی ہے  نیک  بخت ہیں  وہ لوگ جو اس شرف کے حاصل کرنے  پر موفق ہوتے ہیں  خدا سے دعا ہے  کہ ہمیں بھی شرف یاب  فرمائے اور  جملہ مومنین کو توفیق عطافرمائے  اس اللہ کا لاکھ لاکھ شکر ہے جس نے اس سال ہمیں یہ سعادت کرامت فرمائی والہ الحمد  مقام کی موزونیت کے پیش نظر  استطراداہم دواورحرموں کا ذکر بھی کردیتے جس کا شیعی معتقدات  سے تعلق ہے  ایک مسجد کوفہ اور دوسرے حرم حسین علیہ السلام۔